鳴虎 (北帝街) (已結業)

今日午飯時間喺土瓜灣，想食日本拉麵，上網搜尋一下，就搵到呢間拉麵店，見唔需要行好遠，咁就過去試吓😁叫咗$86嘅「嗚虎魚介拉麵」，仲加咗$38嘅小食「胡麻菠菜」，同埋$18嘅「蜂蜜檸檬茶」😁「胡麻菠菜」先上，呢個非常好，我依家都鍾意先食蔬菜，咁樣感覺健康啲；呢個菠菜上邊加咗少少芝麻醬汁，食落幾開胃😋。跟住「嗚虎魚介拉麵」就嚟埋，裏邊有日式叉燒、溏心蛋、紫菜，碗拉麵熱辣辣，依家天氣凍食就最啱，湯底幾濃，幾好味😋。仲有個杯「蜂蜜檸檬茶」都係熱辣辣，又唔會好甜，食完拉麵飲，幾適合😋