赤橋拉麵 (已結業)

以沾麵嚟說，佢嘅湯底略嫌唔夠鹹，但係都夠濃郁嘅；湯嘅溫度方面就唔夠熱，有啲影響咗個麵；至於麵嘅質地配沾麵相當夾，但如果做拉麵就略嫌粗咗少少；豚肉質地好林，好食；另外，餃子嘅味道都好好，值得一試。店面乾淨企理，店裡面嘅牆身仲畫咗啲好得意又好靚嘅公仔，環境唔錯，坐得都幾舒服，冷氣又夠，唔會食食下出晒汗。但如果有凍茶飲，或者係冰水就無得頂喇。如果唔識路嘅朋友想嚟，搭的士嘅時候話俾司機知喺井財街，咁會容易啲搵嘅。