魚事者 (鴻達樓) (已結業)

約左朋友睇戲又未夠鐘，我地就係登打士街揾下小食食下，見到呢間個名幾得意，原來全部都係用魚整嘅。門口仲有個位置可以比我地食到食完先走。綿綿芝士汁吉列豬扒魚麵撈吉列豬扒炸到外脆內軟，肉質軟林，入面Juicy，芝士汁濃郁香滑，魚麵質地彈牙，好食。魚肉燒賣我揀左原味，仲有芫茜同陳皮味道可以選擇，口感煙韌彈牙。炸魚無薯條呢個好搞笑，用魚整成，咬落去有嚼勁，加上他他醬會食唔停口。炸魚狗腸和風紫菜味炸魚狗腸炸到外皮香脆，加左大量紫菜好惹味。