魚事者 (鴻達樓) (已結業)

「魚事者」近日走進九龍區進駐旺角插旗🚩，有別於北角總店，旺角分店主打街頭小食，以外賣為主，當然店旁亦設有立食區可以即時享用美食😋😋「魚事者」顧名思義就梗係以魚為主題，上至燒賣、薯條、下至麵食類全部都係魚肉🐟，原來以魚肉為主食材都可以有咁多變化👍🏻👍🏻小妹今次就買咗幾款美食番去做宵夜，店主仲好用心咁係紙袋都有自家設計，好可愛😍綿綿芝士汁吉列豬扒撈魚麵手掌咁大嘅吉列豬扒炸得超級酥脆又唔會成口油，魚麵比普通麵底更有咬口彈牙，芝士汁偏濃稠好creamy 掛滿每條魚麵，而且仲可以揀全份或半份，照顧埋細胃嘅為食貓又香又臭蒜油雞球撈魚麵魚麵撈自製香蒜醬超有地道港式味道，蒜香味超濃郁偏重口味，全份嘅份量十足有成6粒大大粒嘅雞球，仲有唔少青瓜絲加添清新同爽脆嘅口感「我要哂」小食拼盤拼盤有齊3款小食，雙拼燒賣、咖喱魚兵團、炸魚狗腸，連魚餅麵係魚仔形狀好可愛😍，熱狗腸就食得多，魚肉製成嘅炸熱狗腸就第一次，外層少少脆脆內裏啖啖肉，好滋味😋黑白鴛鴦春卷陳皮燒賣另外仲加點咗兩款小食，黑白春卷外層包咗一層腐皮炸得超脆身，陳皮燒賣係近日新增嘅新品，估唔到陳皮味好突出又幾好味喎，而且$10有4粒好抵