麵麵 (已結業)

市面上有好多專食魚湯麵嘅地方，旺角呢間都好出名食濃魚湯魚烏冬，見唔少人都試過呢間，評價都唔錯！每款面都可以自己揀配魚烏冬或者魚麵，套餐會跟埋前菜三小碟同飲品。前菜三小碟: 甜薯仔、紫菜、蘿蔔。西班牙煙熏黑毛豬濃魚湯魚烏冬，食落嘅黑毛豬真係有一陣煙燻嘅味道，唔會好乾柴，黑毛豬份量都幾多。魚湯飲落清得黎帶鮮味，唔會死鹹，魚烏冬彈牙掛湯，正！燒安格斯牛伴魚烏冬，呢款係乾拌麵，面頭加咗少少泡菜， 都幾香！Fish nachos on the boat，第一次試用魚皮黎代替nachos嘅食法感覺好新穎，配蕃茄他他同牛油果又出奇地夾！仲有新品推介，黑松露忌廉戒指魚皮雲吞，魚皮餃配上黑松露忌廉醬配搭好西式，黑松露味唔係好出，唔會蓋過魚皮餃原有味道。