奈良上釜 (已結業)

普遍人見到魚生「熱食」都可能會覺得浪費左或者會覺得唔夾，不過試左就知唔係個回事。魚生其實最後先放上去所以並唔會熟晒架！個飯既汁調配得剛剛好，而且有飯焦，岩晒鍾意食飯焦既人。半年後再黎食，都係食返海膽，不過對應返上年食，海膽品種原來唔同左，2款都好好味，不過個人比較喜歡上年個款多一點。根據唔同飯會配唔同既小食，我哩款有醃蘿蔔，麵豉湯。不過大家要耐心等候，個釜飯係即整架，所以平均都要等15-20分鐘先有得食。同事食極上釜，佢都覺得唔錯。