極品刺身 (福華街)

營業中

休息中

早前經某海鮮關注組推薦，初嚐呢間《極品刺身》買左個刺身生蠔拼盤$598，試一間刺身店質素，最好就係試呢啲咩都有既拼盤，各類型既海產都可以試下。今次呢個拼盤有生蠔（美國、愛爾蘭、法國）翡翠螺，酒煮帆立貝，甘蝦，拖羅，蜜柑鯛，池魚皇，三文魚腩，活赤貝，車厘蜆。價錢方面十分抵食。質素方面，三款生蠔都係偏向礦物味較重既蠔，但我本身比較鐘意輕身甜啲creamy啲既品種，而且其中一隻有啲腥，所以生蠔方面就一般般。值得一讚既係翡翠螺，清潔得好乾淨，而且好大隻，螺味鮮甜。蜜柑鯛同池魚皇係最出色既兩樣野，質地爽口，新鮮，鮮味濃郁。其他野都正常發揮，冇伏但都冇好出色。最差既係車厘蜆，非常腥臭，食唔落口。整體而言不過不失，對得住價錢，魚類比甲殼類海產出色。