琛記粉麵

營業中

休息中

土瓜灣有好多粉麵店，呢間唔太起眼的琛記，係好多街坊其一間飯堂，地方細細，但可以話係街坊最愛，性價比高！ 套餐包埋嘢飲都係40幾，下午茶30幾就有。魚蛋好彈牙，魚湯亦濃，正！鍾意佢嘅四寶米線，其中一寶係魚皮，抵。仲有豬軟骨飯，同獨有嘅海蝦波菜餃都好食。土瓜灣粉麵店呢間係好食！ 粉麵選擇好多，除魚湯，仲有冬蔭功湯底，如果鍾意食沙嗲，呢度嘅牛筋腩亦唔錯。除左嘢食，仲有估唔到嘅係熱奶茶都係好飲，好多好多茶餐廳！檸檬薏米水亦係好多人的至愛。