漁舍酸菜魚 (已結業)

想食下麵，見到佢鋪面幾寬闊，就試下啦。嗌咗佢嘅招牌粉麵餐，水煮海爐魚薯粉。上枱時伴住個小爐子，冬天會覺得好正，夏天其實可省略。因為一路仲煲住個粉，我好怕稔哂嘅粉麵，所以即刻移離個火先，可惜救唔到幾多，本身佢個薯粉都好稔，我估我唔移走，應該會變糊了。味道，可能我揀咗個小辣，我個人覺得一啲都唔辣，但其實佢個湯底係夠味嘅，辣唔係麻辣，只係微微一點辣的湯，食完唔駛狂灌水，唔係味精湯嚟。要讚嘅係魚塊，肉質係滑同新鮮嘅，而且份量唔少，抵讚！整體而言，佢個份量都大，只係薯粉質地要改同湯底可以再改良再濃味多啲會更好。