九州鯛魚 (已結業)

一講太安樓，大家第一時間一定會諗到呢度係一個小食天堂，但今次放工後去想搵個位坐下慢慢食抖一抖，所以今次就試下呢間日式餐廳🍴.餐廳設計以木系為主，牆上更有餐廳主題「鯛魚湯」的掛圖，感覺舒適。.吉列廣島蠔定食 $98定食份量都幾大，更有沙律🥗溫泉蛋🥚招牌黑鯛魚湯，吉列廣島蠔有三隻，好大隻有成半隻手掌✋🏻咁大呀，炸至黃金咬下好鬆脆，蠔冇腥味一啲都唔硬，炸得岩岩好！.醬油慢煮豬軟骨·鯛魚湯烏冬 $82豬軟骨好入味又夠淋，食落甜甜地口感又軟滑，接近入口即溶。鯛魚湯一啲都唔腥，冇味精味仲幾鮮甜tim~就咁飲個湯都唔會口渴，啲烏冬都煮得幾好都幾滑嘅，配埋豬軟骨一濃一清啱啱好中和濃味，配合得剛剛好。.綠茶🍵可樂 $28本身想試下咖哩波子汽水🥤，點個未有，所以就試個冇咁爆嘅🤣，飲落得少少綠茶味同唔似可樂，似雪碧多啲。