戀戀鮑情 (已結業)

一間以鮑魚作賣點的餐廳，收費比附近茶記貴三幾十。午市時段都幾多人，感覺頗為擠擁。坐下後，店員端上餐牌及冰凍酸梅湯，甜酸度適中，幾好飲，作為消暑飲品頗佳。一份原隻鮑魚肉餅飯，肉餅味道還是茶記略為出色，原隻鮑魚很細隻，但質感軟腍，味道濃郁度都比預期理想。白飯用上珍珠米，較短及圓潤。跟餐送小棠菜一碟，另有杏桃花茶一杯，夠特別，但味道不及酸梅湯佳。