The Captain's House (已結業)

Captain’s house嘅海鮮袋已經幫襯過好多次，鍾意到以前staycation都特登嚟買外賣。 平時食龍蝦比較多，今次揀其他海鮮都好唔錯。Combo A揀左鮑魚、扇貝同八爪魚仔，當中鮑魚超有驚喜，好大隻，彈牙厚肉鮮甜，三大隻食到好滿足。 扇貝同八爪魚仔有做到海鮮袋嘅本份，唔係雪到冇味個啲，真係有鮮味夠彈，比一般西餐海鮮飯或者海鮮意粉用料好好多。每次都暗暗期待薯仔、粟米同肉腸等配料，尤其是薯仔煮到好軟糯就快化開咁，同cajun sauce好夾，辣辣地好惹味。蟹鉗蟹膏意大利燴飯合埋眼都食到蟹肉質感，濃郁creamy，櫛瓜粒同番茄仔又有一絲清新。