Grotto

營業中

休息中

今日去咗鰂魚湧探朋友，佢就帶咗我哋呢間睇落去好低調嘅cafe，真係唔錯。最近食多咗，想健康啲食返個沙律，叫咗佢嘅香烤牛腹肉配金薯藜麥沙律。沙律健康得嚟好好食，配上蘋果青瓜醬，夠哂惹味。牛腹肉非常軟腍，熟度啱啱好，外面有少少焦香但係肉質保持幼嫩。牛扒之外，仲有烚蛋同甜薯，非常飽肚。朋友叫咗雲石墨魚餅海膽汁貝殼粉，貝殼粉非常彈牙，仲被醬汁覆蓋住，每啖都食到佢個好好味嘅海膽汁。配菜墨魚餅同蜆都好出色，份量亦都足夠。至於甜品，作為朱古力控，我對佢嗰個曲奇皮烤棉花糖黑朱古力牛角包零抵抗力，一見到即刻話要試！呢個牛角包極度邪惡，一層朱古力曲奇一層牛角包，包住大大粒棉花糖同濃濃嘅朱古力醬，每一啖都係簡直係極致嘅享受，都係遲啲先再節食啦 lol失傳法式西多士，即叫即煎，有濃鬱嘅蛋香，質地偏軟，同平時食到嘅西多士好唔同。就咁食有啲似麵包布甸，亦都可以點焦糖醬食。飲品方面，我就叫咗開心果拿鐵，淡淡嘅開心果香，唔會太搶或者太over。朋友就叫咗 Ice black，用咗當日嘅精選咖啡豆，凍飲帶出咗接近Bailey嘅酒香，提神又好飲，我都偷咗幾啖。