影片
更多
2023-12-12
543 瀏覽
鰂魚涌太古坊一帶一向多咖啡店，今日同咖啡朋友去搵食。今日我哋無搵定餐廳，諗住去海光街附近一路行一路搵，無意中俾我哋發現到哩間咖啡店，好似係新開。聞到咖啡好香，見到又有位坐，就入去試下。咖啡店唔大，只有2張枱。旁邊有一幅打卡牆。堂食的話，可以先入座。店員好有禮貌，幫我哋斟水，又幫手拉開枱櫈，空間多啲，我哋坐得舒服啲。有機沙律配慢煮雞胸肉 ($88)Salad with Slow Cooked Chicken Breasts沙律醬有4款：凱撒沙律醬、黑松露醬、蜜糖芥末醬同燒烤醬。醬汁可以揀一齊上，或者分開上。我哋揀咗醬汁分上，食幾多落幾多。就咁睇落去個雞胸肉好似好清，無味，但係食落幾juice，肉質好嫩。沙律份量唔算好大，當light lunch岩岩好。慢煮雞胸肉配燒烤醬麵包 ($68)Slow Cooked Chicken Breasts Ciabatta哩個慢煮雞胸肉同沙律嘅慢煮雞胸肉一樣，但加咗燒烤醬，所以好惹味😋😋三文治爆餡，除咗雞胸肉，仲有沙律菜。個醬惹味得黎又唔會好濃，岩岩好。好怕啲好濃味嘅醬汁，食完個口成日都有嗰陣味。London Fog Latte ($45)Earl gr
今日我哋無搵定餐廳，諗住去海光街附近一路行一路搵，無意中俾我哋發現到哩間咖啡店，好似係新開。
聞到咖啡好香，見到又有位坐，就入去試下。
咖啡店唔大，只有2張枱。旁邊有一幅打卡牆。
堂食的話，可以先入座。
店員好有禮貌，幫我哋斟水，又幫手拉開枱櫈，空間多啲，我哋坐得舒服啲。
有機沙律配慢煮雞胸肉 ($88)
Salad with Slow Cooked Chicken Breasts
沙律醬有4款：凱撒沙律醬、黑松露醬、蜜糖芥末醬同燒烤醬。
醬汁可以揀一齊上，或者分開上。
我哋揀咗醬汁分上，食幾多落幾多。
就咁睇落去個雞胸肉好似好清，無味，但係食落幾juice，肉質好嫩。
沙律份量唔算好大，當light lunch岩岩好。
慢煮雞胸肉配燒烤醬麵包 ($68)
Slow Cooked Chicken Breasts Ciabatta
哩個慢煮雞胸肉同沙律嘅慢煮雞胸肉一樣，但加咗燒烤醬，所以好惹味😋😋
三文治爆餡，除咗雞胸肉，仲有沙律菜。
個醬惹味得黎又唔會好濃，岩岩好。
好怕啲好濃味嘅醬汁，食完個口成日都有嗰陣味。
London Fog Latte ($45)
Earl grey latte
朝早已經飲咗咖啡，晏晝要忍下口，叫咗杯無咖啡嘅 earl grey latte。
個奶好滑，下次一定要試埋個咖啡☕️
張貼
