犇 (已結業)

呢日嚟到鰂魚涌，海光街附近有好多出名既食店，所以唔論weekday定weekend都吸引唔少人嚟搵食，本身想去Favilla，不過店面較細，要等好耐，於是就去咗對面呢間個名幾得意既犇 Ben's Deli試下，入到去只有1－2枱客，以為咁少人會中伏啦，點知就俾我哋發現咗呢間Hidden Gem😂！呢度既慢煮雞胸好驚艷，其他各樣嘢都幾好食，大家去鰂魚涌搵食都不妨試下，不過留意返呢度menu經常會轉架。今次就叫咗2個lunch sets，仲送餐湯或者飲品。慢煮雞胸配德國腸及薯條大大份既雞胸，表面煎香咗，一入口係完全俾佢驚艷咗！係超級嫩滑🙀！even食過好多款即食雞胸，都無呢個咁嫩，完全顛覆一般對雞胸會鞋既印象，唔知點樣慢煮法先可以嫩滑成咁呢？呢個雞胸絕對誠意滿分，應該要將佢放喺恆常menu。醬汁係比較大路既燒汁，另外仲配咗德國腸、沙律同薯條，薯條炸得香脆，放咗一陣都唔會腍。蟹肉忌廉汁意大利雲吞有6件義大利雲吞，雲吞煮得剛好唔會太腍，面頭鋪上滿滿既蟹肉忌廉汁，真係有好多一絲絲既蟹肉，好足料😻另外仲有2隻細細地既蟹鉗，雲吞入面嘅餡料包括芝士同少少黑松露調味，餡料軟滑但我就覺得有少少咸，不過配埋