UG Elements 有機農場.餐廳.市場

營業中

休息中

係新蒲崗附迎探完朋友，諗住去搵野食。初時諗住新蒲崗冇乜好野食之際，就上OPEN RICE俾我地搵到呢間餐廳。由於我地冇辣不歡，見到有間菜當然唔會放過佢，要會一會佢。一坐低睇下個menu，原來仲係一間有機餐廳，店主話Ｄ雞係出自佢地自家農場。講多冇謂，一口氣叫左個麻辣魚鍋同口水雞，仲叫左兩碗涼伴，冇錯全部都係辣首先，魚鍋真係冇得頂，麻同辣的比例剛剛好，又唔會蓋左魚的鮮味。先炸再放湯打邊爐，條魚有鮮味得黎Ｄ肉又唔會散。另外魚肉比較結實，唔知係咪有機魚關係。另一重點口水雞，果然係唔同出面的雞，食得出係走地雞，Ｄ肉比較結實同有雞味。值得再去。總括黎講，Ｄ食物係比較新鮮，又鮮又辣，別出心裁的食店。出面的川菜都唔多會用新鮮食材，會用好重既調味，香料去掩蓋食材的味道不足。