撈喜 (已結業)

去開筲箕灣，朋友帶我去食一間出名的鮑魚店，話幾十蚊食到大大隻鮑魚。咁抵，一定要去啦。餐廳細細，佈置有少少日系feel，木為主的質材，感覺温暖。麻辣木耳酸酸辣辣好開胃！木耳爽口！叫一碟做開胃菜真一流。龍眼𣏌子茶明目清熱，入口清甜，淡淡的𣏌子味，龍眼肉多，甜甜的。一杯飲完還想來多杯，感覺涼透心扉。南非鮑魚麵大大隻鮑魚！入口煙韌可口。鮑魚已經幫我們切片，所以入口都好易咬。鮑汁煮成的麵，入口都不得了，鮮味昇華到一個無可比擬的地步。麵爽口彈牙。不得不提，這裡食個麵加$38就可以加一隻大鮑魚。但只此一次。