92
8
0
等級4
199
0
鮮味出眾，保持水準
2017-09-28 1519 瀏覽
冇記錯今次係第二次嚟皇朝海鮮火鍋食喇。 原來呢間皇朝海鮮火鍋店係海鮮蒸鍋嘅始祖嚟㗎!奇怪嘅係點解佢個名係皇朝海鮮火鍋而唔咪皇朝海鮮蒸鍋呢？咁真係可能要問下老細先知呀。 呢度用嘅蒸鍋唔係出面嘅石鍋或者竹藤做嘅鍋。根據待應所講，唔用石鍋同竹藤鍋嘅原因，係因為清潔困難。出面啲鋪頭冇可能叫清潔姐姐搬個重既石鍋咁辛苦洗掛?而用竹藤做嘅鍋就清洗困難容易勾菌，所以用返不鏽鋼鍋反而係最乾淨衛生。 因為係平日 晚上嘅關係，人流就冇星期六日咁多。但係都有好多捧場客㗎!喺後面就見到有好大既魚缸放住新鮮嘅海產。今日我哋有六個人嘅關係，唔同上次我哋點咗啲小食。 左邊嘅係落神花茶，係我食過咁多間蒸鍋火鍋店都冇嘅獨有飲品。其實洛神花茶嗰種酸甜嘅味道，更加引起我嘅食慾，同埋好解渴。叫咗三個小食分別係炸魚腐，雞翼同埋麻辣鳳爪。魚腐好有魚蛋嘅口感，夠煙韌彈牙。隻雞翼就炸得好香，同埋有少少脆好鬼惹味。鳳爪就辣得好過癮，因為佢加咗好多辣椒落去!鍾意食辣嘅人可以一試。 之後當然係我最愛食嘅貝殼類啦。分別有扇貝， 沙蜆，沙白蜆同埋大沙蜆。呢度啲蜆真係好新鮮好甜，全部都好多汁。而且肉質爽口彈牙 一啲都唔腥，最重要係呢度啲蜆洗得好乾
更多
冇記錯今次係第二次嚟皇朝海鮮火鍋食喇。 原來呢間皇朝海鮮火鍋店係海鮮蒸鍋嘅始祖嚟㗎!
奇怪嘅係點解佢個名係皇朝海鮮火鍋而唔咪皇朝海鮮蒸鍋呢？
咁真係可能要問下老細先知呀。
14 瀏覽
0 讚好
0 留言
 呢度用嘅蒸鍋唔係出面嘅石鍋或者竹藤做嘅鍋。根據待應所講，唔用石鍋同竹藤鍋嘅原因，係因為清潔困難。出面啲鋪頭冇可能叫清潔姐姐搬個重既石鍋咁辛苦洗掛?而用竹藤做嘅鍋就清洗困難容易勾菌，所以用返不鏽鋼鍋反而係最乾淨衛生。
143 瀏覽
2 讚好
0 留言
 因為係平日 晚上嘅關係，人流就冇星期六日咁多。但係都有好多捧場客㗎!喺後面就見到有好大既魚缸放住新鮮嘅海產。
32 瀏覽
0 讚好
0 留言
 今日我哋有六個人嘅關係，唔同上次我哋點咗啲小食。 左邊嘅係落神花茶，係我食過咁多間蒸鍋火鍋店都冇嘅獨有飲品。
其實洛神花茶嗰種酸甜嘅味道，更加引起我嘅食慾，同埋好解渴。叫咗三個小食分別係炸魚腐，雞翼同埋麻辣鳳爪。魚腐好有魚蛋嘅口感，夠煙韌彈牙。隻雞翼就炸得好香，同埋有少少脆好鬼惹味。鳳爪就辣得好過癮，因為佢加咗好多辣椒落去!鍾意食辣嘅人可以一試。
33 瀏覽
0 讚好
0 留言
 之後當然係我最愛食嘅貝殼類啦。
分別有扇貝， 沙蜆，沙白蜆同埋大沙蜆。呢度啲蜆真係好新鮮好甜，全部都好多汁。而且肉質爽口彈牙 一啲都唔腥，最重要係呢度啲蜆洗得好乾淨， 一粒沙都冇。其實計我話，如果呢蜆係新鮮嘅，清蒸已經係最美味最美味嘅食法啦！
講埋個扇貝，除咗夠大粒肉厚之外， 就係佢個扇貝蒸出嚟嗰啲湯多到爆，而且又鮮又甜，你話食一粒點夠喉呀?

18 瀏覽
0 讚好
0 留言
 跟住再嚟新鮮嘅蝦，蝦肉結實彈牙，蒸出嚟嘅鮮蝦味好香好甜，唔洗點豉油夠晒甜香喇。
15 瀏覽
0 讚好
0 留言
 再嚟就當然唔少得食蟹啦。
呢隻蟹叫做白蟹， 外殼 有啲花紋，好似花蟹咁，但係肉質就比花蟹 更加實，唔係林啤啤咁。蟹內都有好多膏， 蟹膏好香，味道亦見鮮甜。雖然唔係肉蟹但係肉嘅份量亦俾花蟹多，正
。
15 瀏覽
0 讚好
0 留言
 跟住嚟嘅就係最後一道海鮮。呢條魚叫做白板，我都係第一次食呢種魚。白板魚口感軟熟，咬落去會散散地。味道鮮甜可口，而且魚骨唔多 啱曬我呢啲懶嘅人。
28 瀏覽
0 讚好
0 留言
 食完海鮮當然要食啲肉類啦，我地叫咗呢個安格斯牛頸脊。原來食清蒸嘅牛肉都係好好味㗎， 因為靚嘅牛肉入面已經包含咗脂肪，牛肉亦有好重嘅牛肉味。清蒸計時令到個牛剛熟，口感更加軟熟唔韌。
10 瀏覽
0 讚好
0 留言
 其實食完肉我哋已經飽飽哋，所以要食啲蔬菜類啦。分別叫左釀翠玉瓜同埋釀冬菇。翠玉瓜好fresh 而冬姑亦都好有冬菇嘅香味滲出黎。
18 瀏覽
0 讚好
0 留言
 我哋食埋呢度出名嘅雞麵同埋糯米飯。雞麵個雞蒸到好香好滑有雞油味，滲晒入麵中。配埋呢度最出名嘅自家制麻辣醬，我真係食過返尋味呀。 而糯米飯好香臘腸味，糯米蒸到啱啱好軟熟。
17 瀏覽
0 讚好
0 留言
 當我哋食到飽到上心口嘅時候，估唔到最後一道菜- 粥 先至係精髓。個粥除咗有晒鮮味之外，仲要煲得好綿，食落仲有少少荷葉味。我真係未食過咁好食嘅粥底，即使係飽到上心口呀， 都要拍咗兩三碗，真係食到好滿足呀！


呢間皇朝海鮮火鍋，如果有機會一定會黎再返check。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食
推介美食
  • 瀨尿蝦
  • 海鮮粥
  • 美國安格斯肥牛