德美壽司 (新都城中心1期) (已結業)

平時經開都見到有人排隊，今晚早左收工可即進入，一於食番餐先。 🥘泡菜油甘魚鍋，輕炸過的油甘魚有3至4塊，魚主要是鮫位故都嫩滑，配料除了基本的泡菜外， 還有豆腐同有粉絲，湯用來拌飯唔會過咸，調味剛剛好。 北海道魚生丼飯，油甘魚、三文魚、帶子仲有生蝦各2件，仲有蟹籽配搭，刺身新鮮厚切，帶子大粒，三文魚、油甘魚入口魚味香，生蝦雖然不太大隻，但勝在新鮮，啖啖滋味。 以上套餐跟沙律、味噌湯同埋甜品～牛乳奶凍，夠晒飽肚😀。