Hungry Lobster (已結業)

同男朋友去銅鑼灣行街見到V point下面有間hungry lobster，見到LOBSTER我對眼就發晒光即刻睇下個menu...原來佢地主打波士頓龍蝦有唔同種類既菜式都選用龍蝦去做，見到即刻入去！餐廳環境好整潔舒服，位置分佈都好寬敞！外圍係落地玻璃，有對住街景既高枱，就算一個人黎食都絕對係一種享受。佢地既飲品除左有汽水之外，仲好d健康既純天然無添加蔬果汁！我就叫左龍蝦湯有心思咁畫上花紋，另外配烘過既麵包塊，用黎點湯一齊食岩岩好。湯既質感偏濃縮，一啖已經品嚐到濃郁既龍蝦鮮味！好自然忍唔到係咁飲，完全唔會有滯既感覺。另外叫左個龍蝦意粉，大大個龍蝦頭加上芝士條點綴，底層既意粉有用龍蝦膏製成醬，另外仲有車厘茄同啖啖肉既龍蝦！意粉既醬汁因為用龍蝦膏製成，所以非常鮮美！有好香濃既龍蝦膏味，真係唔係咁容易食到！而且龍蝦肉實得黎幾爽口，絕對新鮮。佢地有太多唔同款式，下次一定要再黎試埋佢！