潮福蒸氣石鍋 (已結業)

今晚約咗三五知己晚飯，決定食一餐豐豐富富海鮮大餐，聽朋友講呢間潮福蒸氣石鍋嘅海鮮質素不錯，我哋就決定一試啦。一黎到就揀咗個粥底先，根據朋友經驗，細份已經夠四人食，我哋揀咗南瓜排骨粥底。朋友叫咗個燉湯，材料十足，味道清甜。龍蝦雖然細隻，但肉質彈牙鮮甜。蟶子都算大隻，仲有粉絲墊底，十分細心。東風螺係我嘅至愛蒜蓉蒸勝瓜，餐廳選用左好柔嫩嘅勝瓜，中間冇種子架！清蒸牛肉片，原來蒸牛肉都可以保持到牛肉肉質嘅鮮甜！