影片
更多
2018-04-15
1469 瀏覽
正因為打邊爐係無咩花巧裝飾，無咩烹調工夫可言，食材既質素好與壞係無得呃，一試就知龍與鳳！呢間舖頭唔係處於大街大巷，又唔係屬於大集團，更加無放題任食，價錢唔係特別便宜，但係我地都再三幫襯，無他，就係食材夠新鮮！點解今次先出食評？ 原因係人生第一次食水魚！仲要用水魚湯底打邊爐添，所以一定要記錄低呢次嘗鮮經驗呀。個湯底係藥材湯，主要係北芪淮山桂圓，而一隻水魚切開都有十幾件，不過我只係食左水魚既腳仔，估唔到係水魚皮既口感好滑，食落好多膠質，感覺有點像多肉版既雞腳。友人一直講水魚好滋補，叫我食多d, 但我都仲係未慣食呢d，最終都只係食左兩件。相反，個湯我飲左超多碗，我地係落水魚，之後加西洋菜，飲左呢轉湯然後先再加其他野，所以啖湯清甜又唔濁，好好飲。除左水魚，今餐仲打左魚飄，蝦膠墨魚膠，田雞，海蝦，同本地肥牛等成十樣野。呢度既本地肥牛質素非常高，油脂分佈均勻，入口嫰滑，有既係牛味唔係雪味。田雞細嫰，不過份量略少，想食多件都無。海蝦鮮甜彈牙，本人覺得最好咩醬料都唔好點，否則有點浪費此鮮甜滋味。但至正都係象拔蚌刺身，鮮甜不在話下，口感豐富，集爽脆嫰滑於一身，令人一片又接著一片停不下來。順帶一提，師傅刀
呢間舖頭唔係處於大街大巷，又唔係屬於大集團，更加無放題任食，價錢唔係特別便宜，但係我地都再三幫襯，無他，就係食材夠新鮮！
點解今次先出食評？ 原因係人生第一次食水魚！仲要用水魚湯底打邊爐添，所以一定要記錄低呢次嘗鮮經驗呀。
個湯底係藥材湯，主要係北芪淮山桂圓，而一隻水魚切開都有十幾件，不過我只係食左水魚既腳仔，估唔到係水魚皮既口感好滑，食落好多膠質，感覺有點像多肉版既雞腳。友人一直講水魚好滋補，叫我食多d, 但我都仲係未慣食呢d，最終都只係食左兩件。相反，個湯我飲左超多碗，我地係落水魚，之後加西洋菜，飲左呢轉湯然後先再加其他野，所以啖湯清甜又唔濁，好好飲。
除左水魚，今餐仲打左魚飄，蝦膠墨魚膠，田雞，海蝦，同本地肥牛等成十樣野。呢度既本地肥牛質素非常高，油脂分佈均勻，入口嫰滑，有既係牛味唔係雪味。田雞細嫰，不過份量略少，想食多件都無。海蝦鮮甜彈牙，本人覺得最好咩醬料都唔好點，否則有點浪費此鮮甜滋味。但至正都係象拔蚌刺身，鮮甜不在話下，口感豐富，集爽脆嫰滑於一身，令人一片又接著一片停不下來。順帶一提，師傅刀工好好，切得好薄，擺盤好靚。
門面係重要，但作為一間餐廳，如終都係食物真材實料，能夠好好把關食物品質先係最重要！
張貼
