Nunu燒 (已結業)

今晚和同事中環做完嘢，佢話上次食過呢間Nunu燒既lunch覺得不錯，所以今晚帶埋我去dinner 。Nunu燒位於中環一條小巷和安里中，2邊舖位，以居酒屋來說座位不算少，而且乾淨整齊，坐得舒服。今晚好幸運，師傅說今天啱啱到左幾條新鮮魚，特別推介伊左目魚給我們，問了價錢原來都只是$350原條，即劏，咁抵我們一定唔可以錯過la!伊佐目魚雖然是白身魚，但魚味香濃，鮮甜，肉質軟腍，部份近魚皮的位置比較煙靱和爽口，蘸埋師傅秘製酸汁，酸酸地好開胃和惹味。同場加映送埋D大大粒，卜卜脆的三文魚籽，咸咸鮮鮮，正呀！火炙左口魚邊($48) 炙過的左口魚邊油脂好豐富，入口即溶，滑不溜口。油甘魚腩(3切/$78)厚切，油脂非常豐富，爽脆鮮甜，非常美味。牡丹蝦($58/隻)肉質彈牙嫩滑，蝦頭仲有好多膏，好甘甜。葱吞拿魚蓉手卷($48/pc)吞拿魚蓉份量勁多，食到底仲食到魚蓉，吞拿魚蓉魚味濃郁，幼細香滑，口感軟嫩，還有大量的葱絲和芝麻，紫菜亦很脆口，口感豐富。魚骨麵豉湯($20)將伊左目魚的魚頭和魚身熬湯，再加入麵豉，湯頭有魚的鮮，亦有麵豉的甜味，正！