鯛魚魚湯專門店 (已結業)

去到鰂魚涌個頭收工，見到個名好似幾過癮就入去試下。鋪頭都係日本式居酒屋裝修，好似去左日本咁。入到黎當然要order佢既鯛魚湯，見到有推介日本帶子三文魚籽湯飯，就落左一個，再決定食豪d加埋個鮑魚同花膠。個湯飯上枱既時候仲會有個火去熱住佢，望落去非常豐富，幾粒大帶子擺係面頭，再加上一堆大大粒三文魚籽係度。事不宜遲飲啖湯試下先，個湯好鮮甜好有魚味。個三文魚籽咬爆既咸味同個湯有鮮明對比但係好夾，鮑魚好彈牙有咬口，成個湯飯份量十足，食完飽到震。朋友就叫左個皇帝蟹腳海膽湯飯，材料已經夠矜貴，個湯飯好岩用黎打卡曬命。蟹腳大大隻已經幫你開埋殼，好輕鬆就成舊肉拎出黎，試左啖好鮮甜。海膽亦都好新鮮，同個湯好夾。