有蒸氣 海鮮石鍋專門店 (已結業)

月尾出糧食豪D💰，當然要食海鮮啦！同事帶路去咗尖沙咀（有蒸氣海鮮石鍋專門店），一入到門口，見到咁多明星合照相，一定冇介紹錯🥳🥳！店內環境闊落，有寬闊的卡位，又有貴賓房，私隱度高！海鮮蒸氣套餐，價格有所不同，隨個人喜好選擇，散叫亦得😊店員先將生米，南瓜排骨放入鍋內，隨着蒸氣蒸熟，而水份當然是海鮮的精華湯汁啦！先食碗蒸蛋，十分嫩滑，加上黑松露簡直是絕配，食唔停口😅大連鮑魚，食的時候絕不需要自行清除內臟，進食方便，加上蟲草花，爽口之餘更覺補身😋😋紐西蘭蟶子，日本元貝，手掌咁大隻，好爽口，加上粉絲吸收晒D鮮味，超滿足！所有海鮮都好新鮮，最尾食埋個軟綿綿又鮮甜的粥，簡直完美！👍🏻👍🏻👍🏻