我想和你無所事事 (中環街市) (已結業)

去中環街市睇展覽，場地隔離就有間我想和你無所事事，順理成章就幫襯一下。叫咗杯仙草鮮奶祁門紅茶，要半糖少冰。我見店入面有成四，五個 staff，但係相信絕大部份係新手，所以雖然得我一張單，都要等一段時間。飲品拎上手，見到仙草份量唔少，先加分。飲一啖，紅茶味唔算好濃，反而鮮奶味有啲 dominant，如果鍾意飲茶嘅，或者可以試下 order 茶味濃啲（唔知有冇呢？）。啜到底，仙草一大堆，香甜滑嘟嘟，好食。另外要讚嘅係叫咗少冰，真係非常少冰，童叟無欺😂。