影片
更多
2017-01-21
720 瀏覽
大埔一向有好多好野食 但因為地方偏遠 可能大家會比較少去～ 我同朋友去大埔聚舊 傾起往事 愈講愈感慨人生～ 傾完都好晏 又唔知食咩好 嗰頭反對大集團壟斷市場 冇理由呢頭又幫襯佢地架嘛😂 我地心血來潮 想去支持下小店 於是就打算去附近睇下呢間興運美食好似之前上個過飲食誌 有專門推介佢既burger同熱狗 招牌設計都幾搶眼 我地決定去睇下有咩值得一試既小食～😍佢地食物既款式都幾多 有西式又有傳統中式小食 好似係粉麵 煎釀三寶 炸物呢啲都有～揀到我既選擇困難症瞬間發作😂 不既然推介burger 我同朋友都決定點唔同口味既burger!朋友點既係韓風燒牛肉漢堡 味道好特別～ 除左牛肉漢堡既味道之外 仲有香濃既韓燒味🍢 好似我地平時食既韓式烤肉味 塊牛肉漢堡非常厚 牛肉好多汁好惹味～ 睇下個漢堡每一層既結構分明 生菜好fresh好爽口 配埋少量芝士 每一啖都好滋味😋 而我揀既係招牌芝士牛肉漢堡 我中意經典口味 而且原始既味道最純粹☺個burger真係好大個好足料～頂層有煙肉同埋處於半溶狀態既芝士 仲有新鮮清甜既生菜～呢塊牛肉漢堡真係冇得頂 我懷疑佢係咪手打牛肉漢堡！🐮將漢堡切成一半 同朋友分享招
呢間興運美食好似之前上個過飲食誌 有專門推介佢既burger同熱狗 招牌設計都幾搶眼 我地決定去睇下有咩值得一試既小食～😍
佢地食物既款式都幾多 有西式又有傳統中式小食 好似係粉麵 煎釀三寶 炸物呢啲都有～揀到我既選擇困難症瞬間發作😂 不既然推介burger 我同朋友都決定點唔同口味既burger!
朋友點既係韓風燒牛肉漢堡 味道好特別～ 除左牛肉漢堡既味道之外 仲有香濃既韓燒味🍢 好似我地平時食既韓式烤肉味 塊牛肉漢堡非常厚 牛肉好多汁好惹味～ 睇下個漢堡每一層既結構分明 生菜好fresh好爽口 配埋少量芝士 每一啖都好滋味😋
而我揀既係招牌芝士牛肉漢堡 我中意經典口味 而且原始既味道最純粹☺個burger真係好大個好足料～頂層有煙肉同埋處於半溶狀態既芝士 仲有新鮮清甜既生菜～呢塊牛肉漢堡真係冇得頂 我懷疑佢係咪手打牛肉漢堡！🐮
將漢堡切成一半 同朋友分享招牌漢堡既滋味 塊牛肉真係好足料好大份 食得出整漢堡既師傅好落力 一啲都唔馬虎～牛肉特別嫩特別腍 仲極度juicy 而且食落口感鬆軟得黎又有嚼頭～😁 上面煎香左既煙肉為牛肉漢堡帶黎不同既味覺享受 咸咸地又甜甜地☺ 唔係講笑 一路食 啲牛肉汁不斷流落黎 真係冇返咁上下手藝 係唔會有呢個味道同口感👍🏼
食咁大個burger 落肚 一定會口乾 我地點左兩枝人手鮮磨豆漿 我本身屋企都有自己整豆漿飲 佢地既豆漿味道非常好 食材質素好高 豆漿甜而不膩～ 醇美既豆漿 仲飲到家既味道～ 真係不敢相信係街外會飲到鮮美既住家豆漿😋
呢間小店的確令我另眼相看 佢地burger既質素好食過我喺西餐廳食過既漢堡 佢地既牛肉juicy程度不容小覷 唔好因爲佢係小店而卻步～其實呢個價錢 正常餐廳應該好少有呢個質素～ 我覺得招牌漢堡值得一試 下次經過會再食多次😋另外要提既係店員既服務態度 自家小店特別勞心勞力 佢好細心地幫我地將個burger切好再放入盒 又怕我地撈亂 特登寫左佢地既名喺盒蓋上 仲俾左紙巾同竹籤我地 方便我地食用 店員服務一流 👍🏼☺
張貼
