鯛魚魚湯專門店 (已結業)

喺附近搵下午茶有好多選擇不過今次就唔去食茶餐廳揀咗呢間魚湯嘅專門店。餐廳環境唔錯，推介食呢一度嘅魚湯，味道好濃郁而且好香。除咗散點另外仲會有套餐，我就點左個海膽鯛魚湯飯，估唔到啲海膽都幾唔錯雖然冇出邊日本海膽相比咁鮮甜但係佢嘅質素非常唔錯！好味我點左個小食雞翼，入邊釀咗糯米，外皮熱辣辣，好好味。另外點左一個烏冬，材料有鮑魚，花膠等等呢一啲養生嘅食材，又係用咗鯛魚嘅湯底所以真係好入味。鮑魚超級大隻，呢個價錢真係好抵食。食物質素亦都非常之唔錯配料新鮮，最鍾意連佢嘅湯底都飲埋另外我哋叫咗咖啡同埋呢度既特飲，餐牌上面都有幾多唔同嘅選擇，唔係淨係奶茶咖啡咁簡單。