漁師兄

營業中

休息中

原來元朗都有間高質素既米線，估唔到有一人份量既酸菜魚! 仲可以簡配飯 或米線，今次叫左少辣，試下水溫。辣度可以接受，食唔到太辣既人都接受到，入面既配料都有好多，蒿荀，蓮藕等等。魚片爽口彈牙，而且無骨架! 個湯汁酸味突出，辣味有後勁，配埋米線食好滿足。另外自選湯都係魚湯底為主，叫左招牌鮮魚湯，平時好怕腥既我，呢個湯底都完成接受到，冇平時魚湯的腥，反而有種鮮甜味，見到湯底係偏奶白色就知! 配料叫左豆卜 ，麻吉燒同埋豬扒，配料份量好多，連豆卜都有8粒，好足料。呢到既豬扒係煎香過，好香口。消暑解渴我推介紅西柚綠茶，大大杯，飲落好清新，仲有粒粒西柚肉！