一郎 (已結業)

主廚係鹿兒島拜師學得真傳之後，舊年新開呢一間主打九州日式拉麵。同場有好多BearBrick擺設，歡迎影相同陪食。主要賣四款唔同嘅拉麵，分別係白郎君、黑郎君、赤郎君、柴郎君。呢一期仲有期間限定嘅限定君。今期限定君係鯛白湯拉麵。拉麵用上和歌山真鯛，魚湯味濃再配上半熟鯛魚片、慢煮西班牙黑豚叉燒、半隻溏心蛋。而且用上吸湯嘅白身幼麵。另外仲試咗黑郎君:特製黑蒜拉麵，以招牌豚骨湯基底，加上黑蒜油、香口炸蒜。蒜香味十足。麵條用上黃身較彈牙嘅麵，減低油膩感，亦都有慢煮叉燒同半隻蛋，又係另一個好選擇。仲有佢地嘅紫薯餅、唐揚雞、日本汽水一樣出色，記得要試埋呀。