藏 (已結業)

早前和內子經開銅鑼灣，想食日本野就試下「Kura 藏」，本來想試下個伊勢海老丼，呀waitress姐姐話賣哂，推介我試下個即燒鰻魚丼，食唔到龍蝦雖然可惜，不過鰻魚我都啱，就試下佢虛實先。個燒鰻魚丼一上枱個賣相已非常吸引，唔係平時平價個d蒲燒貨色，一口咬下去個魚皮乾身香脆，唔會成口油，餸飯一流！之後重叫左海膽軍艦同大拖羅，師傅落海膽無手軟，份量十足，大拖羅則接近入口即化，兩者均是衝擊味蕾之作，相當不錯。對我而言，最重要係店內頗寧靜，傾到計，而所有店員均非常有禮親切。最後，就希望店內的香氛味可以減低就更好。