野郎 Stone x 鰻工房 (已結業)

到港島區銅鑼灣shopping一定要搵好嘢食啦，渣甸坊入內左邊讓我遇上野郎Stone，今次仲可以食埋鰻魚，大滿足。店內環境尚算闊落，座椅可揭蓋放入隨身物品及袋。這陣子冇得去旅行，店內和風感覺濃厚，感覺都好似去咗日本，播放著輕鬆日本流行歌曲。石燒牛板腱(300g)~燒熱石燒板熱辣辣，牛肉的脂肪燃燒時滋滋作響，大家要耐心等候20至30秒才好打開吸油紙，免得油份爆出時彈到。餐枱附近會搵到石燒牛進食指引，需逐件切開，讓石烤板全方位燙熱牛肉，食客可跟據自己喜歡的生熟程度控制烤肉時間。牛板腱肉的質地較有口感，肉味香濃。芝士焗鰻魚丼~ 這個焗飯加入大量芝士，鰻魚遇上芝士，是個極度邪惡的配搭，鰻魚本身魚味香濃，魚脂豐富，加入芝士味道層次更上一層樓。