栢記

營業中

休息中

終於可以一行四人約食晚飯，大家第一時間最想去食的就是鴨脷洲街市熟食中心內的「栢記」。好多鴨脷洲街坊都會來食晚飯，因為可以在地下街市海鮮檔買海鮮上去比「栢記」加工，無論什麼海鮮都難唔到栢記大廚，經他主理後通通都變成佳餚美食。早一個星期已經打去訂枱，順便order定半隻豉油雞，他們的豉油雞好有雞味👍今次我們買了：魚頭、鮑魚、蟶子、大蝦、活魚、蝦膠及墨魚膠。店員建議如何烹調這些海鮮：沙爆魚頭鍋、椒鹽鮑魚、蒜蓉蒸蟶子、豉油煎大蝦、清蒸活魚、煎蝦膠及墨魚膠。最後點了碟炒菜，總共八道菜，真係味味精彩。我們最欣賞係個椒鹽鮑魚，可以做到椒鹽得嚟隻鮑魚仲咁軟身。煎蝦膠及墨魚膠也是另一驚喜，我以為係煎餅果種煮法，原來唔係，我估係成餅先蒸再切條炸。之後大廚行出嚟同我地傾了幾句，他好有善地分享他的廚藝經驗😊總結：美味及價錢合理。如想星期六、日晚來最好先訂位。