鵝頸橋四季火鍋

營業中

休息中

新開業既呢間火鍋店店如其名，正係位鵝頸橋，店內充滿舊戲棚式大招牌、紅罩燈、懷舊餐具等元素，再加上八九十年代既歌曲，很有feel。諗唔到食咩推薦嗌懷舊生鍋，有18款配料仲加埋嘢飲，份量極為澎湃。﹆ 懷舊生鍋 $780揀咗沙嗲同芫荽皮蛋湯底雙併，鴛鴦湯都唔洗加錢。沙嗲湯花生味香濃，芫荽皮蛋湯底就係經典不敗嘅湯底，淥咩都啱。𖦹 本地手切牛肉 𖦹 手切牛小排𖦹 手切牛胸油𖦹 豚肉片𖦹 黑柏葉手切肥牛牛味濃郁，牛小排肉質軟腍，最特別嘅牛胸油，食落唔算太油膩而且口感有趣。𖦹 鮑魚𖦹 海蝦𖦹 大沙白𖦹 脆肉鯇魚骨腩、片𖦹 花枝片海鮮非常新鮮，脆肉鯇魚腩口感爽脆；沙白鮮甜無沙。𖦹 自家製雲吞𖦹 牛丸𖦹 貢丸𖦹 鮮豬什𖦹 響鈴卷𖦹 雜菜𖦹 日本蛋𖦹 烏冬不得不提成塊紙巾咁嘅紙豆腐，索晒啲汁，好過癮；打邊爐少見嘅豬雜、爆汁潮汕牛丸同振興濃汁貢丸、以及自家製雲吞，超豐富。最後食埋滑溜彈牙嘅烏冬，吸盡湯底精華，大滿足。𖦹 竹蔗茅根水解渴又足料，而且完全唔過甜，encore咗一瓶。