新沙洞大排檔 (好順景大廈1座) (已結業)

住開元朗嘅人應該知道雞地係有好多餐廳，我想話元朗有好多餐廳都好好食😋今日同朋友嚟到新沙洞大排檔，入到去看到座位，餐具已經好有韓國餐廳feel😋都係用手機掃QR code落單，睇完Menu後最後叫咗鐵板燒濟州黑毛豬，呢個幾好，自己又有得玩下，可以自己燒，但同朋友一齊唔好掛住傾計😂記得間唔中要反下去，如果唔係就會好容易燶🤣有幾種食法，其實任何食物第一件我都會先食佢嘅原味，第二件可以點汁食（有少少辣），之後可以試吓攞紫菜包住食，佢本身呢有少少脂肪， 所以呢燒起上嚟會更加香，配上紫菜飯，送飯一流👍🏻鐵板燒鰻魚，平時呢日式我就通常食蒲燒鰻魚，韓式鐵板燒鰻魚，呢個要燒到外面微微燶先好食😂店員會溫馨提示話醬汁唔好淋在板上❤️我覺得呢個紫菜包住食先最夾另外再叫咗牛肉紫菜飯卷：除咗牛肉和紫菜，仲有青瓜絲，胡蘿蔔絲，黃蘿蔔⋯⋯再加上芝麻鋪在面，食到爽脆嘅感覺呢餐食到牛豬魚，不同嘅食材帶出不同嘅配搭，食完真係好滿足😋而家醬油蟹預訂仲做緊優惠，原價$298，而家$198，只限一至四全日供應🥹星期五六日，只限七點前，公眾假期沒有優惠，優惠必須電話訂座26666908，優惠不能同時使用喔🥰