黃記煌三汁燜鍋 (已結業)

無肉不歡嘅我最鍾意食雞，除咗好味之外，都係因為整雞可以有好多變化。是夜在朋友介紹下就去左呢間係尖沙咀新開既餐廳食晚飯，據聞都係有雞食，那當然就又係我杯茶！！朋友發板下就叫左這餐廳的招牌三黃雞燜鍋，講真係好大鍋，好多雞同配料，單食呢鍋應已經會飽到明天吧！同埋仲有店員專門一邊煮一邊加入店方的秘製醬汁，令到成鍋雞都好入味！過程完全唔使自己落手落腳整，仲有人幫你整埋，簡直係星級嘅服務加埋蔥同芫茜的調味下，香味倍增不少，確係色香味俱全，唔怪得朋友食完都話要再帶我去食，果然真係好野黎！貪食的我也叫了手工鵝肝蝦丸，一客6粒，都幾大粒，同好彈牙，放入個鍋中一齊煮吸埋鍋中既醬汁一齊食就更感滋味原來許留山仲係呢間餐廳旗下，所以呢道係有許留山既野食，身為許留山長年vip既我就當然要叫返杯我最鍾意既超多芒水晶晶黎飲！芒果同椰奶嘅比例啱啱好，而且芒果好甜，份量亦都超多，可以解渴之餘亦都可以當係甜品咁食，好滿足好開心~~~