影片
更多
2012-10-03
28 瀏覽
睇左U-Magazine的介紹，個雞煲好吸引搞到我流晒口水，OR又咁多好評，見入秋後未食過雞煲，就即興同朋友去呢度會一會佢。八點半去到，點知無位，店員話最快都要等到九點，早知一早打來訂位先啦．．．好彩間舖響旺角，可以行陣街等。到九點，都仲未有位，見九點半後有八折，一於就等到九點半先入去。等位期間望入間舖，地方唔係好大，但裝修好靚好高級咁，燈光好有mood，令到我好期待想快D到九點半！Yeah終於入到去，一坐低就有生果食！我不嬲只好汽水，呢度除左一般嘅可樂忌廉芬達，仲竟然有我最愛嘅Ginger Ale，唔洗諗，即來一罐潤下喉先啦！侍應話個煲即叫即整要廿分鐘，咁就叫個例牌小辣先，小食有個辣子腸頭，問侍應即係咩，佢話即係炸大腸但係加左麻辣．．．炸大腸又係小弟另一飛佛，要！火鍋料就點左個竹生皇，美國肥牛，鱔，響鈴同菜籃。辣子腸頭先上，好脆好麻，好開胃！跟住上雞煲，個煲來到焗一陣先開蓋，嘩好香呀！！同雜誌講嘅一樣，係食完雞先加湯，每件雞都掛有好濃嘅醬汁，望都已經覺得好惹味，即刻試舊先．．．係堅好味喎！雞煲味道好正，雞夠滑，辣度適中，朋友唔係好食得辣但呢個小辣佢都OK接受到，仲越食越起勁添！個咀食
等位期間望入間舖，地方唔係好大，但裝修好靚好高級咁，燈光好有mood，令到我好期待想快D到九點半！
Yeah終於入到去，一坐低就有生果食！我不嬲只好汽水，呢度除左一般嘅可樂忌廉芬達，仲竟然有我最愛嘅Ginger Ale，唔洗諗，即來一罐潤下喉先啦！
侍應話個煲即叫即整要廿分鐘，咁就叫個例牌小辣先，小食有個辣子腸頭，問侍應即係咩，佢話即係炸大腸但係加左麻辣．．．炸大腸又係小弟另一飛佛，要！火鍋料就點左個竹生皇，美國肥牛，鱔，響鈴同菜籃。
辣子腸頭先上，好脆好麻，好開胃！
跟住上雞煲，個煲來到焗一陣先開蓋，嘩好香呀！！同雜誌講嘅一樣，係食完雞先加湯，每件雞都掛有好濃嘅醬汁，望都已經覺得好惹味，即刻試舊先．．．係堅好味喎！雞煲味道好正，雞夠滑，辣度適中，朋友唔係好食得辣但呢個小辣佢都OK接受到，仲越食越起勁添！個咀食食下開始feel到有d麻，但食雞煲就係要追求呢個又辣又麻嘅感覺，一路食一路麻，好過癮！
食完雞加湯打邊爐，湯有兩隻，清湯同辣湯，侍應話辣湯會好味D，就要辣湯啦！成煲湯好有層次，又麻又辣又甜甜地。
竹生皇超大條，出面打邊爐未食過，米線果d蚊型縮水竹生冇得比。竹生索晒D湯汁超正！讚！
其他食物都唔錯，夠大碟抵食！個菜籃有唐生菜粟米金菇鮮冬菇蕃茄，砌得好靚。食完真係有雪米糍送，冰一冰個咀，正！！試問你食過幾多間雞煲會有甜品送咁貼心？
食物有質素，環境又舒服，招呼又好，同級數響尖沙咀銅鑼灣無三舊都出唔到門口啦！家陣有折二百左右就享受到同樣嘅quality，我一定會再來support的 !!!
題外話/補充資料：
最好早d訂位
廁所正如前面D食評咁講，堅乾淨
走左出到門口，食完件衫無乜味，掂！
(以上食評乃用戶個人意見 , 並不代表OpenRice之觀點。)
張貼
