翠榮雞煲火鍋

營業中

休息中

其實黎依度大多得我同朋友仔兩個人，今晚特別地小雲同畢比一齊食，共四個，隨意畫幾樣野，唔知佢地想食咩。因為翠榮主打食雞煲，所以生料不太多選擇，亦機乎無海鮮，不過可以自己帶食物打邊爐，但會收加工費。咸菜胡椒豬肚雞煲一隻，平時得我同朋友仔兩個都食一隻，依家四個都只係叫一隻，唔夠先再加雞啦 ﹗因小雲同畢比都唔食得辣，唔洗考慮奇味雞煲，奇味雞唔辣唔好食。美國桶蠔，切忌太過巨形，3 吋左右已經夠晒肥美喇 ﹗太巨形難熟、口感較實，而裙邊同帶子位老到有渣食唔到呢。依碟 size 就夠晒標準喇，剛剛好。食美國桶蠔我鍾意約 8 到 9 成熟，比起 5 成熟更芳香更彈牙。正呀，味濃、鮮味、creamy 又多汁，好滿意 ﹗白牛柏葉，切到好幼喎，得唔得架？烚一烚，又鮮又爽，都幾好，不過大舊返少少個口感會更好。自家製鮮腐，好好味 ﹗今次硬左少少又乾左少少，有點失手喎，每次都必食架，依家一次比一次差。竹笙，打邊爐必備，健康有益，索湯一流。雞子，有鮮雞子就好啦，香濃帶蛋味架，火雞子都要食住先，止下渴麻。豬潤、白蘿蔔、貢丸、芝心丸，大路野無咩特別。腐竹？﹗勁搞笑，成塊咁上囉，係咪為左烚熟方便夾呢？金菇，連根上好核突呀