奇樂香辣雞煲 (已結業)

本土優質嘉美雞炮製，無打生長激素， 特點是皮下脂肪少，肉味特出。椰子雞煲, 用上了味濃的雞肉椰子雞， 湯有椰汁椰肉同杞子，仲加了花鵰酒飲啖有酒香，雞肉除左食得出雞味，雞皮度仲會有淡淡架椰香同酒香，食悶左辣雞煲可以轉下口味。 食完個雞煲都飽了一半,再加點配料打個邊爐。手打四寶丸彈牙有勁，唔洗講有蝦丸牛丸，墨魚丸。鯪魚球落左陳皮，不過蝦丸打成膠時已落調味，鹹左少少。粟米，即炸響鈴，滑豆腐， 雜菜籃，因為唔想太多肉健康d, 叫多了蔬菜。個雜菜籃有菇有菜，人少少叫盤叫乜都有，燙落椰子湯底好夾，味唔濃清淡，食得出蔬菜甜味。個炸響鈴唔錯，唔會有千年油陣味。自家包制餃子，奇樂水餃皇幾有趣，除左蝦同黑木耳絲和豬肉，我食到有花生醬味。一隻有成個拳頭大，食完超飽。鬼馬油炸鬼， 鑲入左墨魚膠炸到好香口，就咁食係彈牙又脆身架，唔油膩先最正點。有d 人鐘意放落湯吸精華食又得，不過呢個點泰式酸甜醬食。有混醬玩洛神花茶酸甜就可以中和返肉類 ， $48 凍冰冰一解邊爐的燥熱，陣味唔夠酸，反而杯facebook upload相打卡同like再送的竹茅根水。