爺爺雞煲皇 (已結業)

叫左個大雞煲，個煲既裝飾及氣味都唔錯，面頭有很多洋蔥及芫茜，睇落好似好好食咁。不過一開動時，食食下大家發現成煲都得雞頸同雞腳，大概一煲有四五對腳啦味唔算差既，但我未食過雞腳雞煲。當我地問侍應：你地既雞煲係得頭頭尾尾，佢話斬得碎姐。然後我地上網睇睇番人地d相，先發現人地個煲都好多雞腳架。d肥牛除左個樣幾吸引之外，但太細塊，烚完好容易唔見左，同埋會無晒牛味。爺爺雞腳煲，可一不可再。