回到味來 (已結業)

今晚同朋友去旺角食飯，食咗雞煲火鍋。職員問我哋想食雞煲定卜卜蜆鍋，我哋揀咗小辣嘅雞煲。唔使五分鐘雞煲就嚟到，我哋仲叫咗啲串燒，珍珠奶茶同啤酒。雞件份量都幾多，小辣啱啱好，有八角味，小小辣但又唔會辣到食唔到。雖然有得任食，但我同朋友都唔太肚餓，食咗一轉就要咗個南瓜蜆湯打邊爐。有肥牛一碟，其他食物都可以放題自己拎。蔬菜種類都幾多，有我最鐘意嘅萵筍。後來再叫咗串燒同海鮮串燒（都係任叫）。扇貝有好多蒜，好香。珍珠奶茶唔太甜，幾好飲。有魷魚、白蜆、豬頸肉、扇貝。仲有辛辣麵！