影片
更多
2023-01-19
69 瀏覽
由細到大所接觸到嘅雞翼菜式，除咗係阿媽嘅拿手蒸雞翼之外，就係某兩大連鎖快餐店嘅脆香雞翼同埋蜜蜜燒雞翼。雞翼山呢間餐廳聽過好多年，當初佢開嘅時候我都喺度諗有冇人真係鍾意雞翼到將雞翼作為一間餐廳嘅主打食材，今日就試吓佢先啦！行入門口發現有部自助點餐機，但我都係想有人落單互動下🤣原來除咗雞翼之外，都有好多唔同種類嘅小食可以選擇但我今日一心想食雞翼，就唯有下次先試啦真係有好多唔同口味，通常見啲人都係食玫瑰同埋鹹檸七，咁就試吓呢兩款大熱嘅雞翼再搭個南蠻他他雞翼啦，啱啱好可以叫12隻😋除此之外仲有啲套餐，有埋飯食嘅添😳落咗單之後，店員話雞翼係即叫即炸嘅，所以都要等一陣。舖頭細細，但都有好多打卡位牆上面嗰句‘’不要儀態…..只想吃雞翼‘’真係好吸睛🤣等咗大概10分鐘左右就有得食啦😻接過袋雞翼嘅時候即刻聞到好香，即刻返公司開餐先！玫瑰雞翼比想像中香甜，對於我呢啲bbq雞翼要倒成樽蜜糖落去嘅人嚟講真係啱晒我口味🤣仲食得出有陣淡淡地玫瑰味🌹鹹檸七雞翼上面有兩舊鹹檸檬，雞翼真係食得到有鹹檸七嘅鹹酸味🤣本身仲驚會唔會好有違和感，估唔到真係幾夾南蠻炸雞就食得多，估唔到南蠻雞翼又得姐😳他他醬真係好好食，一大啖醬咬
雞翼山呢間餐廳聽過好多年，當初佢開嘅時候我都喺度諗有冇人真係鍾意雞翼到將雞翼作為一間餐廳嘅主打食材，今日就試吓佢先啦！
行入門口發現有部自助點餐機，但我都係想有人落單互動下🤣
原來除咗雞翼之外，都有好多唔同種類嘅小食可以選擇
但我今日一心想食雞翼，就唯有下次先試啦
真係有好多唔同口味，通常見啲人都係食玫瑰同埋鹹檸七，咁就試吓呢兩款大熱嘅雞翼再搭個南蠻他他雞翼啦，啱啱好可以叫12隻😋除此之外仲有啲套餐，有埋飯食嘅添😳
落咗單之後，店員話雞翼係即叫即炸嘅，所以都要等一陣。舖頭細細，但都有好多打卡位
牆上面嗰句‘’不要儀態…..只想吃雞翼‘’真係好吸睛🤣
等咗大概10分鐘左右就有得食啦😻接過袋雞翼嘅時候即刻聞到好香，即刻返公司開餐先！
玫瑰雞翼比想像中香甜，對於我呢啲bbq雞翼要倒成樽蜜糖落去嘅人嚟講真係啱晒我口味🤣仲食得出有陣淡淡地玫瑰味🌹
鹹檸七雞翼上面有兩舊鹹檸檬，雞翼真係食得到有鹹檸七嘅鹹酸味🤣本身仲驚會唔會好有違和感，估唔到真係幾夾
南蠻炸雞就食得多，估唔到南蠻雞翼又得姐😳
他他醬真係好好食，一大啖醬咬落口真係好滿足🤤
估唔到新派口味雞翼真係有驚喜喎，搞到好想一次過試埋其他味😻嚟緊新年一大班friend聚會，又諗到食咩啦😌
張貼
