文記車仔麵 (福榮街)

營業中

休息中

又係去到唔知食乜嘢嘅時候，喺尖沙咀揸車到深水埗搵車位，泊好車之後就喺文記車仔麵附近，平時條人龍要排到喜喜美食，今日眼見冇人排隊，所以決定食車仔麵，叫咗個三餸車仔麵，雞翼魷魚豬皮油麵，叫完之後就喺隔離鋪等姐姐拎嚟，大約1分鐘左右送到過嚟，油麵口感好滑，雞翼又好嫩又入味，魷魚反而麻麻哋，豬皮亦都好入味，整體嚟講味道算好好，難怪平時咁多人嚟幫襯，不過嚟呢度食車仔麵，都要睇時勢，如果太多人排隊就免了，因為太多人會好迫同埋點餐會等得耐。