大澳炭燒雞蛋仔叔叔 (已結業)

星期四同同學去左大澳視察,上網check左要食呢個炭燒雞蛋仔架喇,去到周圍行下睇下啦,唔係咁熟路又可能早得濟啦,仲未見到雞蛋仔伯伯,行過一間賣大澳利賓納同X仔糕既店舖買野食,咁同學話順便問一問個店主伯伯,知唔知雞蛋仔幾時開,我估同行如敵國,個伯伯都唔知肯唔肯答,咁個伯伯都答左,話雞蛋仔伯伯平日少人唔開喎,星期6,日先開,唉,咁我打定輸數冇得食啦,點知食完午餐3點幾,行經吉慶街(其實我唔知個條街就係,都係跟住同學行架咋),俾我見到個空蕩蕩既店舖,有架木頭車,上面有炭爐同裝蛋漿既水壺,外加一位戴黑超勁型既阿伯,好開心,終於俾我搵到喇,(我同學係典行典過skip左阿伯囉= =")心諗岩岩個大澳利賓納係咪講大話,果然同行如敵國...即刻同同學講好似就係呢個阿伯賣雞蛋仔,跟住阿伯搭嘴話:有冇認錯呀?冇認錯就幫襯啦!咁即刻買返底黎試試,阿伯唔知係咪俾人影相影得多,識擺POSE- -",佢仲問我影完未架orz...基於淆底心態當然話影完啦orz...阿伯一拎出個雞蛋仔出黎,脆到丫,一粒粒甩出黎,佢係"畢"起D雞蛋仔入袋囉,唔係出面街咁成底窒入去...第一時間試試先,味道又唔係話好特別,OK既,不過真