摩芽雞蛋仔

營業中

休息中

從來未食過呢間嘅雞蛋仔，穩陣啲都係試吓原味先， $20一底，價錢都ok嘅。呢度嘅雞蛋仔外貌膠膠地，完全做唔到外脆內軟嘅感覺...一收到雞蛋仔嘅時候，覺得硬到好似一舊模型咁，完全搣唔開。平時食雞蛋仔，會一粒一粒搣嚟食，呢度係做唔到嘅，要成舊攞嚟咬。蛋香輕微，甜度唔高，感覺似食緊雞蛋糕。唯一可取之處，係每一粒都非常飽滿，唔會有空氣感，味道黎講唔係難食，但唔合乎雞蛋仔應有嘅標準。如果係想食雞蛋仔，可以試其他舖頭。