Wingman (船街) (已結業)

好耐之前食過一次，今次再黎幫襯，試吓其他味道嘅雞翼同以前冇嘅burger。同上次一樣，都係點2款雞翼，不過今次唔係薯條，係轉左要burger。加勒比海鮮辣雞翼賣相不錯，每隻都有燒菠蘿、蔥粒、醬料，雞肉好入味，食入口有啲燒烤醬加上酸酸甜甜，有d似pizza味，雞肉嫩滑，唔錯。金雞Menu 寫係特製，佢個名隔離有隻金雞公仔，心諗唔通係鎮店之寶？🤣係唔係鎮店之寶就唔知，不過賣相真係與別不同，金色碟嘅擺盤，再配上灑滿金箔粉嘅雞翼，名副其實既金雞。雞皮香脆，雞肉同樣Juicy，味道方面，入口有帶rosemary 的濃厚牛油香味響雞肉內湧出來，忍唔住食完一隻又一隻。Thunderbird 係一個厚脆雞扒burger，配料有幼細嘅青瓜絲，生菜，千島醬汁，雞扒非常厚身，雞扒熱辣辣外脆內軟，配料既比例拿捏得很準確，唔會太少，總之啖啖有包有肉有菜有醬，好滿足，係出色既雞扒漢堡。嫌食雞翼麻煩嘅朋友可以嚟呢度食burger 🤣整體上都係十分之滿意，可以再來幫襯第三次。