影片
更多
2022-06-04
40 瀏覽
有朋友超級鍾意食炸雞，最近網上見到Sodam chicken有炸雞放題，早前試過佢地嘅出品，覺得非常高質，趁住可以任食，就一於黎食啦。90分鐘放題包炸雞，焗雞，包額外口味，pizza同小食，盛惠＄168。平時食炸雞，一份只有一個味道，最多只係可以雙拼，又點可以試齊全店嘅味道呀？放題嘅炸雞同焗雞每次可以叫少至一件，咁就可以試多d 唔同口味啦。口味選擇足足有十幾款咁多，甜酸鹹辣炸焗咩都有，由於真係試左太多款，我都做個總結先等大家可以預留胃部空間試多d喜歡嘅款式：最推薦：蜜糖蒜香焗雞BBQ 香辣焗雞韓風紫菜焗雞蜜糖芥末香蔥炸雞甜酸炸雞檸檬柚子炸雞次推薦：辣味炸雞黃金鹹蛋焗雞黑糖炸雞總括黎講，炸雞炸得夠香脆得黎亦唔會太油膩，雞肉嫩滑。焗雞方面比較上無咁熱氣，肉汁亦較多。個人最鐘意蜜糖蒜香味，一黎係焗嘅無咁肥，二黎上檯時散發出陣陣蜜糖香味，食落仲非常惹味添呀，小朋友應該會好喜歡。甜酸炸雞食落酸酸甜甜，食落都幾開胃。BBQ香辣焗雞就醃得好入味，黃金鹹蛋味就可以揀炸或者焗，上檯時散發出陣陣鹹蛋黃味，食完之後，口腔仲會留住一股味道。除咗炸雞烤雞之外，仲有pizza同多款前菜可以揀。薄餅每日都有唔同款式
90分鐘放題包炸雞，焗雞，包額外口味，pizza同小食，盛惠＄168。
平時食炸雞，一份只有一個味道，最多只係可以雙拼，又點可以試齊全店嘅味道呀？
放題嘅炸雞同焗雞每次可以叫少至一件，咁就可以試多d 唔同口味啦。口味選擇足足有十幾款咁多，甜酸鹹辣炸焗咩都有，由於真係試左太多款，我都做個總結先等大家可以預留胃部空間試多d喜歡嘅款式：
最推薦：
蜜糖蒜香焗雞
BBQ 香辣焗雞
韓風紫菜焗雞
蜜糖芥末香蔥炸雞
甜酸炸雞
檸檬柚子炸雞
次推薦：
辣味炸雞
黃金鹹蛋焗雞
黑糖炸雞
總括黎講，炸雞炸得夠香脆得黎亦唔會太油膩，雞肉嫩滑。焗雞方面比較上無咁熱氣，肉汁亦較多。
個人最鐘意蜜糖蒜香味，一黎係焗嘅無咁肥，二黎上檯時散發出陣陣蜜糖香味，食落仲非常惹味添呀，小朋友應該會好喜歡。
甜酸炸雞食落酸酸甜甜，食落都幾開胃。
BBQ香辣焗雞就醃得好入味，黃金鹹蛋味就可以揀炸或者焗，上檯時散發出陣陣鹹蛋黃味，食完之後，口腔仲會留住一股味道。
除咗炸雞烤雞之外，仲有pizza同多款前菜可以揀。
薄餅每日都有唔同款式，是日精選係熱帶風情，一份好似骨碟咁大，有四件，似係用pitta bread 做餅底，上面加上茄汁、火腿、蘑菇及菠蘿，材料相當豐富。
小食方面，有一系列韓式餐廳食到嘅前菜同埋柚子沙律，食完炸雞食返啲沙律，可以清下腸胃，減低油膩感。
值得一題嘅係，呢度嘅飲品係買一送一，其實都幾抵嘅，不過真係好大杯，一人飲一大杯，就真係咩都唔使食，所以都冇叫到，如果兩對情侶一齊嚟，咁樣叫都係一個唔錯嘅選擇。
張貼
