新森林焗之專門店 (英皇道) (已結業)

聽講有間又抵食又好事既餐廳，於是就去試一試，一入到去，氣氛唔錯，好舒適既感覺，有人客入黎，服務員都好熱情咁照呼我地到卡位坐，唔知系咪時間夜既關係，間餐廳唔算太多人，好安靜於是我就點左個芝士焗海鮮豬扒鴛鴦飯，加配左個布丁奶茶，忌廉湯，牛角包首先上左個忌廉湯同牛角包忌廉湯都算ok，但粟米既味道唔系好出，但因為餐廳個冷氣開得有d勁，暖和既粟米忌廉湯都令我飲到好溫暖，牛角包唔會話上臺就凍左，仲能夠保持脆既口感跟住上鴛鴦飯，其實就系兩種汁，芝士汁同番茄汁，我個人系中意芝士汁個邊，但中意酸酸甜甜既你就應該中意另一邊啦，入面有炸魚柳，豬扒，帶子，蝦，都ok豐富而我朋友就點左個黑胡椒芝士焗羊扒飯，黑胡椒都幾好味，但個羊扒，我試左，就麻麻，肥肉部份有d sou，瘦肉部份就ok，我自己本人唔系好中意羊，所以因人而異啦價錢黎講，晚餐都ok，但d間嘢下午茶都幾抵食，分量ok，又系set但忌廉湯，牛角包都系要加6蚊先有，而特飲就可以跟餐平d我杯布丁奶茶，布丁都幾多，整體ok唯一比較特別就系餐同嘢飲都系用一次性既盤同杯裝，有d怪