渝味曉宇重慶老火鍋 (渣甸中心) (已結業)

和朋友一行四人去到銅鑼灣打邊爐，渝味曉宇的銅鑼灣店比其他分店較細間，但比起其他分店更先進，以手機掃描qr code落單，介面清晰易用，又可隨時睇返叫咗啲咩食物～食物方面今次同多兩個朋友黎，所有野都可以叫全份之外，亦可試多啲唔同既野燕餃同萵荀片依然係必點之選，苕粉煙煙韌韌，份量亦都唔少；另外湯底方面菇菌湯用黎烚菜真係perfect，好食到蔬菜既鮮味。炸酥肉食落唔覺油膩，用食響鈴既食法，好快咁浸一浸麻辣湯，又脆又辣好過癮～今日既糍粑亦炸得唔錯，擺咗陣都唔會硬晒，依然keep到軟糯既口感～