影片
更多
2025-01-23
1066 瀏覽
《燒烤堂 - 銅鑼灣》上次講完想食燒烤🍖無耐就帶埋frd子去左銅鑼灣人氣爆燈既燒烤堂食串燒🥴記住book 位呀，我地book 左七點半食，期間人流不斷，我地黎遲半步都有可能入唔到去食，所以穩陣起見記得提早預約呀😉食燒烤當然要飲啤酒🍻呢度既Draft Beer $48杯已經好抵飲，佢仲要好過份的買一送一🥰飲夠四杯都係$100有找👍🏻抵💁🏻♀️黑糖燒菠蘿&蜜糖燒菠蘿上次食過後心心念念，今次必然要encore 啦💪🏻兩款菠蘿既燒法不同，黑糖果款就有脆脆糖霜，咬落卜卜脆又香甜，蜜糖燒菠蘿就偏向港式啲，不過一樣爆汁，兩款都同樣好食😋💁🏻♀️胡麻醬稻庭冷烏冬冰冰既胡麻烏冬配上爽口既青瓜絲🥒同蟹柳絲，食落開胃又解膩，烏冬彈牙又掛汁，都幾好食架💁🏻♀️翠玉瓜我最近愛上左食燒翠玉瓜，燒熟後入面軟熟多汁，誠意推介👍🏻💁🏻♀️焦糖鰻魚芝士玉子燒玉子燒味道甜甜的，入面夾住燒汁鰻魚同流心芝士🧀口味濃郁，仲有拉絲效果添💁🏻♀️焦糖青蘋果鵝肝多士我個人覺得呢道菜式真係好驚艷🥰油香滿滿既鵝肝同焦糖煮過既蘋果味道十分合拍，甜味帶出左鵝肝既香氣，配埋佢地特製既多士，吸曬鵝油之後勁好食😋💁🏻♀️蒜香牛油酒煮蜆😋大大碟，好抵
上次講完想食燒烤🍖無耐就帶埋frd子去左銅鑼灣人氣爆燈既燒烤堂食串燒🥴記住book 位呀，我地book 左七點半食，期間人流不斷，我地黎遲半步都有可能入唔到去食，所以穩陣起見記得提早預約呀😉食燒烤當然要飲啤酒🍻呢度既Draft Beer $48杯已經好抵飲，佢仲要好過份的買一送一🥰飲夠四杯都係$100有找👍🏻抵
💁🏻♀️黑糖燒菠蘿&蜜糖燒菠蘿
上次食過後心心念念，今次必然要encore 啦💪🏻兩款菠蘿既燒法不同，黑糖果款就有脆脆糖霜，咬落卜卜脆又香甜，蜜糖燒菠蘿就偏向港式啲，不過一樣爆汁，兩款都同樣好食😋
💁🏻♀️胡麻醬稻庭冷烏冬
冰冰既胡麻烏冬配上爽口既青瓜絲🥒同蟹柳絲，食落開胃又解膩，烏冬彈牙又掛汁，都幾好食架
💁🏻♀️翠玉瓜
我最近愛上左食燒翠玉瓜，燒熟後入面軟熟多汁，誠意推介👍🏻
💁🏻♀️焦糖鰻魚芝士玉子燒
玉子燒味道甜甜的，入面夾住燒汁鰻魚同流心芝士🧀口味濃郁，仲有拉絲效果添
💁🏻♀️焦糖青蘋果鵝肝多士
我個人覺得呢道菜式真係好驚艷🥰油香滿滿既鵝肝同焦糖煮過既蘋果味道十分合拍，甜味帶出左鵝肝既香氣，配埋佢地特製既多士，吸曬鵝油之後勁好食😋
💁🏻♀️蒜香牛油酒煮蜆
😋大大碟，好抵食，啲蜆同樣係大大粒的，個湯底係用左高湯同牛油汁煮成，蜆肉肥厚鮮甜，仲配左兩件大大既蒜蓉包比你點埋個汁食，有匙羹既話不知幾想飲曬成個湯
💁🏻♀️蒜蓉燒蠔(兩隻)
$48兩件燒蠔勁抵食，鮮味既蠔肉配上蒜蓉，呢種最簡單既做法就最帶出到蠔既原汁原味啦👍🏻必食
💁🏻♀️雞皮墨魚滑
第一次試，感覺上雞皮嘅口感唔會過油膩，煙煙韌韌咁包住墨魚滑，入面仲食到墨魚粒粒添，點甜酸醬就已經夠惹味
💁🏻♀️鹽燒豚肉荔枝卷
唔鍾意食咁油膩嘅燒烤咁呢件一定啱你，豚肉包住甜甜酸酸嘅荔枝肉，可以解膩之餘仲幾惹味架
💁🏻♀️泰式豬頸肉
一串有三件，焦香微辣又彈牙，熱食既時候就最適合不過
💁🏻♀️七味汁燒豬大腸
朋友喜歡食內臟，呢款汁燒豬大腸食落濃味有肉汁，個邊邊燒到脆脆的好香口
💁🏻♀️新鮮手切牛胸爽
喜歡食油香的話我就最推薦啦，唔好以為佢係肥肉，其實佢係橫膈膜邊邊果塊膜，口感爽爽脆脆，越咬越香口
💁🏻♀️鹽燒牛舌芯
雖然唔算好大串，不過味道處理得唔錯，無臊味，建議可以點少少椒鹽食
💁🏻♀️鹽燒開邊雞中翼(兩隻)
燒雞翼既火喉要控制得好，咁啲肉先會保持肉汁鮮嫩，而外皮仲可以脆脆的
💁🏻♀️鹽燒原塊雞皮
重點推介👍🏻👍🏻塊雞皮大過塊面呀，去除左入面既脂肪再燒就唔會太油膩，十分香口惹味，落左椒鹽調味勁正
💁🏻♀️青檸菠蘿梳打
我飲啤酒，朋友飲梳打，入面睇得見既菠蘿肉，香甜清爽，食咁多油膩野飲梳打其實幾爽架
張貼
